MAL A ARI: acrylic on paper

Kwentung Kapampangan

KWENTUNG PANG-ANAK

Neng Virgilio P. Calilung

Bulan, bulan, balduganan mu kung palang

Nanan me ing palang? Pangutud keng kwayan;

Nanan mo reng kwayan? Pangawa keng bale

Nanan me ing bale? Dapukanan pale;

Nanan me ing pale? Pamudbud kung manuk

Nanan me ing manuk? Pakan keng papalut!!

II.

Sisiritsit saligubang

Salagintu parang-parang

Ing dalagang Kapampangan

Nung magluto ya manyaman.

Sisiritsit salagintu

Ing dalagang sari lagu

Ene man biasang maglutu

Maralas yang mandilu.

III.

Tinanam kung kamantigi

Libutad na ning paligi

Memunga ya’t minyalapi

Uli ning sintang malati.

Tinanam kung pakayungkung

Libutad ning kekang sanggul

Memunga ya’t minyalapung

Uli ning sintang maragul.

"PAPA-PU LA PA"

Neng Hernando Sabandal

itang tugak batan a kaluguran ta,
kauli na keti ibat amerika,
dit mang Kapampangan e ne yata biasa,
-inyang kasabi ke, inglis-inglis ya pa.

ketang inayan ke keta king karela
ban mipagmananu at mipangomusta,
ing keyang pekibat, "ridit, ridit," ngana,
itang "kokak, kokak," akalingwan na na.

e ra mo kalupa ring anak nang saba
a mengasapwak ngan karin king Canada,
neng kasabi mu la mangasalusu la
neng mangapampangan at papa-"pu" la pa.

MAL A ARI

Sunday, February 7, 2010

pangúlû

ing mal a ari

Search Mal a ari

Followers

Blog Archive

Mal a ari